BUTUAN CITY – Trending karon sa social media ang bag-ong portrait sa Filipina beauty queen nga si Binibining Pilipinas Universe 2019 Gazini Ganados human gipaila-ila isip usa sa mga partisipante sa inaugural edition sa Miss Grand International All Stars.
Kagabii, Marso 12, gipagawas sa Miss Grand International ang headshot ni Gazini sa ilang social media page kondiin gipa-ila sila siya isip usa sa mga delegado sa pinaka-unang MGI All Stars pageant.
Ang MGI All Stars usa ka espesyal nga edisyon sa kompetisyon nga nagtapok sa mga beterano o mga kanhi entrante sa lain-laing national ug international beauty pageants aron usab magpasigarbo ug makigkompetensya alang sa usa ka dakong international title.
Bukas ang kompetisyon alang sa mga kandidata nga nakasalmot na sa ubang pageants, lakip na ang mga nakadaog na og international titles, ug apil usab ang mga minyo, adunay anak, ug transgender women.
Gihulagway sa organisasyon ang Filipina-Palestinian nga modelo, aktres ug TV personality nga duna’y striking beauty, commanding stage presence, and inspiring life story.
