BUTUAN CITY – Padayon pang gi-assess sa faculty and staff sa Caraga State University ang kinatibuk-ang ihap sa ilang mga estudyanteng apektado dakong sunog sa Purok 4, Brgy. Ampayon ning siyudad sa Butuan kaganinang alas-kwatro sa kaadlawon kondiin tulo ka mga boarding houses ug lima ka mga business establishments ang na-abo sa kalayo.
Sigon ni Dr. Rissa Mercado, director sa National Service Training Program kon NSTP sa maong unibersidad, temporaryong gi-house sa ilang university gymnasium ang 125 ka mga estudyanteng wala mi-uli sa ilang tagsa-tagsa ka mga lungsod samtang ang uban, padayon pa nilang gipangita ilabina kadtong nakisilong una sa ilang mga kabanay ug mga classmates.
Gimando matud pa sa ilang university president nga i-house ang mga estudyante sa ilang gym alang sa ilang siguridad ug kaluwasan.
Posible matud pang i-adapt nila ang distance o kaha online learning tungod sa maong insidente ilabina nga kadaghanan sa mga na-apektuhan gikan pa sa mga lagyong lugar.
