BUTUAN CITY – Hugot nga gibarugan ni Edwina Palaran Ybañez nga sa iyang apuhan pa nakatitulo ang yuta nga gi-angkon ni Engr Pascual kansa napasa ngadto sa iyang ginikanan hangtud na kaniya nga maoy katapusang sumusunod.
Ang iya matud pang pagpa-demolish sa mga balay nga nakatarok sa maong yuta mao na ang iyang last resort tungod kay mag-30 ka tuig na siyang nakigbisog aron kini mapahimuslan. Kini tungod kay sa matag-lakang matud pa nga iyang himuon, siya naman hinuon matud pa ang ipabarangay.
Nakalihok lang siya og maayo sa pag-angkon sa maong yuta dihang nakabaligya na siya kang Rey Malcampo nga maoy iyang gigamit sa pagpasaka og kaso ngadto sa korte aron kini na ang mudesisyon kung kinsa nilang Pascual ang paboran sa korte.
Dili matud pa siya mahadlok tungod kay kompleto siya sa mga papeles ilabina sa titulo niini.
