BUTUAN CITY – Onse ka mga farm-to-market roads kon FMR projects dinhi sa Caraga Region ang nadiskubrehan ni Senador Sherwin Gatchalian, chairman sa Senate finance committee, nga overpriced rason nga sulod kini sa napulo ka mga rehiyon sa nasud nga nalambigit sa maong anumaliya.
Kini ang hinungdan nga gisugyot sa senador ngadto sa Senate blue ribbon committee ug sa Independent Commission for Infrastructure (ICI) nga imbestigahan ang maong anomaliya.
Atol sa press conference, gibulgar sa senador nga ang maong mga proyekto gihimo niadtong tuig 2023 ug 2024 nga misuma-total ang gasto ngadto sa P10.3 billion.
Iya kining girekomendang imbestigahan tungod kay pareho matud pa ang mga contractors sa maong mga proyekto, sa mga contractors usab sa mga flood control projects kansa grabe ka overpriced tungod kay gikan sa kantidad nga P15,000 per meter gihimo kining hangtud sa P300,000 per meter.
