BUTUAN CITY – Patay na sa edad nga 93-anyos ang gibansagang fashion icon sa Italya nga kanunay nagtinguha sa katahum nga Valentino Garavani kinsa mas naila sa bansag nga Valentino, kansang mga disenyo sa sama sa sikat nga “Valentino red”—gisul-ob sa mga sikat nga personalidad sa mga elites sa international scene.
Ang bantugang tigdesinyo sa iyang panahon, mahigugmaon sa elegante nga estilo sa Italya, migahin og hapit tunga sa usa ka siglo sa pagsinina sa mga pinakadungganong babaye sa kalibutan, gikan kang Jackie Kennedy hangtod kang Princess Diana, sa wala pa siya namatay ning adlawa, sa edad nga 93-anyos sa iyang pinuy-anan sa Roma, nga gilibutan sa iyang mga minahal sa kinabuhi.
Daghan sa iyang mga binuhat nga “Valentino red”—gisul-ob sa mga halangdong personalidad sa kalibutan, gikan kang Elizabeth Taylor, Audrey Hepburn, ug Nancy Reagan, hangtod kang Sharon Stone, Julia Roberts, ug Gwyneth Paltrow sa uban pa.
Giplano nga himuon ang iyang lubong sa Biyernes sa kapital Roma, uban ang lying in state sa Miyerkules ug Huwebes.
Madumdumang dihang mikagiw sa nasud ang empress sa Iran nga si Farah Pahlavi atol sa rebolusyon sa 1979, nagsul-ob siya og amerikana nga gihimo ni Valentino.
Gitawag siya nga “the Sheik of Chic” sa Women’s Wear Daily sa dekada 1980, ug gidayeg sa New York Times niadtong 1997 tungod sa iyang walay hunong nga dedikasyon sa kaanyag ug kahayag sa estilo.
