BUTUAN CITY – Gitahasan sa Commission on Audit (COA) ang paghimo og fraud audit sa mga proyekto sa flood control sa Department of Public Works and Highways (DPWH) sa Bulacan nga nagkantidad og P44 billion, human sa mga isyung gibulgar mismo ni Pangulong Ferdinand Marcos Jr.
Sayrang sa kinatibuk-ang P548 billion nga pondo para sa flood control sa tibook nasod, pinaka dako niini ang nakuha sa Central Luzon nga anaa sa P98-Billiion, diin ang Bulacan ang dunay nadawat nga pinaka dako sa maong rehiyon.
Sumala sa COA memo niadtung Agosto 12, gipa-audit niini ang imbestigasyon tungod sa mga gibutyag ni Pangulong Marcos. Gitahasan usab niini ang mga distrito sa DPWH sa rehiyon nga magsubmite gilayon og mga dokumento para sa himoong audit.
Una nang gipadayag sa Presidente niadtung Agosto 11 nga ang Bulacan ang dunay pinaka daghang flood control projects kansa mokabat sa 668 ka mga proyekto, apan nagpabilin gihpon kining usa sapinaka bahaonon nga lugae sa Central Luzon subay sa datus nga gipagawas sa National Adaptation Plan 2023–2025.
Subay niini, gihatagan usab og higayon ni Presidente Marcos ang Timothy Construction Corporation nga maka-explain human sa personal nga inspeksyonin niini sa Calumpit, Bulacan, diin nadiskubreng wala pa nahuman ang river protection structure taliwala pa man nga gikatahong nahuman na kini niadtung Pebrero 2023.
