BUTUAN CITY- Mingtaliwan na si kanhi House Speaker Jose de Venecia Jr. sa edad nga 89-anyos, sumala sa iyang pag-imangkon nga si Joan.
Si De Venecia, na-ila isip “Manong Joe,” nagsilbi isip Speaker sulod sa 13 ka tuig taon sa managlahing katuigan, lakip ang mga termino gikan sa 1992–1998 ug 2001–2008.
Usa usab kini ka haligi sa partidong Lakas-CMD ug nahimong pangunang tigpasiugda sa Dollar Remittance Program alang sa mga pamilyang nagsalig sa overseas workers. Gipanganak kini sa Dagupan City, Pangasinan niadtong Disyembre 31, 1936, ug nag-skwela sa De La Salle University ug Ateneo de Manila University.
Nabilin niini ang iyang asawa nga si Rep. Gina de Venecia ug ang 6-ka anak. Gawas sa Politika, nagsilbi usab kini nga kolumnista. Ang iyang kabilin makita sa iyang abilidad sa pagtukod og mga koalisyon ug pag-apil sa mga kritikal nga isyu sa nasud ingon man internasyonal.
