-- ADVERTISEMENT --
BUTUAN CITY – Pormal ng gibuksan kagahapong adlawa sa lokal nga panggamhanan sa Lamitan City, Basilan ang ‘Forever Tulip’ garden nga nahimutang sa Sitio Panansangan, Lamitan City, sa lalawigan sa Basilan.
Gipangunahan ni Lamitan City Mayor Rose Furigay ang opening sa Tulip Garden nga gilangkuban sa 30 mil ka mga nagkalain-laing kolor sa tulips nga ginama sa nakolektang plastic bottles sa maong syudad.
Tumong sa maong proyekto nga mahimong usa sa mga atraksyon sa lugar kansa daan nang ginadayo sa mga lokal nga turista bisan niadtong wala pa nahuman ang maong proyekto.
Ang inisyatiba sa ilang Inahan sa dakbayan pinasikad sa gipahugtang kampanya sa Solid Waste Management nga gibansagang “Abante Lamitan, Atras Basura”.
