BUTUAN CITY – Nangabot na sa lungsod sa Nasipit, Agusan del Norte ang pipila ka mga langyaw’ng skateboarders aron pagsalmot sa 1st RDBP (Roscoe Democrito Booc Plaza) Asian Nasipit Longboard Competition nga himuon karong Sabado ug Dominggo, Septembre 21 ug 22. Kini ang highligt sa kapistahan sa patron sa maong lungsod nga si Senior San Miguel karong Septembre 29.
Sigon ni Carmen Docdocil, ang municipal tourism officer sa maong lungsod, kini ang pinaka-unang kompetisyon dinhi sa Mindanao kondiin ang mga entrante, naggikan sa nagkada-iyang nasud sa Asya. Kagahapon, nangabot na ang mga tulo ka skateboarders gikan sa Thailand ug tag-usa gikan sa Japan, Singapore ug Australia.
Sigon sa opisyal, duna pa’y mangabot karon ug ugmang adlawa, adiser ang mismong adlaw sa kompetisyon tungod kay gibana-banang 80 tanan ka mga skateboarders ang mangapil niini apil na ang pambato sa ilang lungsod.
Gipadayag ni Docdocil nga ilang nahuna-hunaan ang paglusad sa maong extreme sport isip kabahin usab sa promosyon sa ilang tourism industry aron mapakita sa tanan nga dili lang abunda ang ilang lungsod og nindot nga mga beach resorts kodili apil na ang mga bukirang bahin nga andam mu-cater sa ingon niini nga pa-ugnat sa kusog.
