BUTUAN CITY – Gipa-ambit ni kanhe US boxing champion Floyd Mayweather nga dunay pipila pa ka away kini adiser ang gi-atangang subling pag-agbat nila ni Manny Pacquiao.
Sigon sa 48-anyos nga si Mayweather nga maka-atubang niya sa exhibition match si Mike Tyson.
Himoon ang ilang panag-away sa ring sa 59-anyos nga kanhe heavyweight boxing champion sa umaabot nga Abril 25.
Pagkahuman sa duha ka buwan maka-agbat usab niini sa ring si Greek kickboxer Mike Zambidis sa usa ka exhibition fight sa Hunyo nga himoon sa Athens, Greece.
Ang 45-anyos nga si Zambidis usa ka 18-time world champion nga nagretiro nga dunay record nga 157 ka daug og 24 ka talo sa kickboxing.
Ang duha ka exhibition fight ang magsilbing warm-ups sa panag-atubang nila ni Pacquiao sa umaabot nga Setyembre 19.
Nasayrang dili na bag-o sa exhibition fight si Mayweather tungod kay human ang katapusang professional fight niya kang Conor McGregor niadtong 2017 naka-agbat niya sa mga exhibition matches sila kickboxing star turned boxer Tenshin Nasukawa niadtong 2018 ug si WWE star Logan Paul niadtong 2021.
