BUTUAN CITY – Mag-atubang og mga kasong paglapas sa Philippine Dental Act (RA 9484)ang usa ka babayeng nagpaka-aron ingnong dentista human nadakpan sa gilusad nga entrapment operation sa mga sakop sa Regional Anti-Cybercrime Unit-Northern Mindanao (RACU-10), sa Brgy Ampayon ning siyudad sa Butuan.
Nasayrang nag-offer ang suspetsado og barato nga dental services lakip na ang pagpataod og braces, pag-ibot sa ngipon, pagpasta, cleaning ug uban pa kansa gihimo sulod lang sa iyang balay, nga naghatag og kabalak sa Philippine Dental Association-Butuan Chapter.
Sumala ni RACU-13 Chief Col. Lemuel Gonda, daghan ang nadani sa iyang serbisyo tungod kay barato lang ug gipang-post pa online bisan pa nga dili kini tinuod nga dental clinic.
Wala nakapakita ang suspek og dokumento nga nagpamatuod nga siya lisensyadong dentista hinungdan sa iyang pagkasikop.
Dugang ni Gonda, adiser gihimo ang operasyon, gi-verify pa kini sa Philippine Dental Association ug sa Professional Regulation Commission aron masuta kung adunay lisensya ang suspek.
Nakarekober ang mga otoridad og lain-laing dental equipment nga gituohang gigamit sa operasyon. Karon, anaa na sa kustodiya sa RACU-13 ang suspek ug posibleng atubangon og kaso ubos sa Philippine Dental Act (RA 9484).
