BUTUAN CITY – Gitangtang na isip membro sa National Unity Party kon NUP si House Deputy Speaker ug Cebu 5th District Congressman Duke Frasco human wala mupirma sa manifesto nga musuporta sa pagpabilin sa pwesto ni House Speaker Martin Romualdez.
Gipasabot ni NUP President ug Camarines Sur 2nd District Rep. L-ray Villafuerte nga ang unilateral decision sa magbabalaud usa ka klarong paglapas sa opisyal nga posisyon sa partido aron suportahan si Romualdez nga magpabilin sa iyang posisyon isip lider sa Kamara sa 20th Congress.
Sigon ni Villafuerte, angayang gituki una ni Frasco ang iyang sukwahi nga posisyon sa liderato sa partido inay nga mugawas sa publiko ug supakon ang unanimous decision sa partido.
Samtang giklaro usab ni House spokesperson Princess Abante nga klaro ang prinsipyo sa ubos bala bala-uranan, kondiin ang suporta dili angayang ipugos kondili kaugalingong desisyon sa matag-representante nga girespeto matud pa sa liderato sa kamara.
Una nang gipadayag ni Abante nga mi-abot na sa 205 ka mga membro sa musuluray nga 20th Congress, ang nakuhang suporta alang kang Romualdez.
