BUTUAN CITY – Gitu-uhan sa kabanay sa usa ka fishpond caretaker nga wala’y foul play ang pagkamatay niini og bugtong ang iyang gihambing mga sakit ang hinungdan sa iyang kamatayon.
Nasayrang pasado alas-6:12 kagahapon sa buntag dihang napalgan na lang ni Fredo Tapic ang iyang wala na’y kinabuhing igsoong si Fernando Tapic, 51-anyos, residente sa Purok 3, Brgy. Lumbocan ning siyudad.
Gikabutyag nga padulong matud pa sa iyang gibantayang fish pond ang biktima ning mi-aging adlaw apan wala na maka-uli pa hinungdan sa pagpangita sa iyang mga kabanay og uban sa mga sakop sa Bantay Dagat sa maong barangay.
Napalgan na siyang nasangit sa mangrove area sa may Babag River sa Purok 1 sa susamang barangay kagahapon og gitu-hang gi-atake kini sa sakit nga patol hinungdan sa pagkahulog niya sa katubigan.
Nasayrang gawas sa patol, duna usa’y gihambing Alzheimer’s disease ang biktima. (Beth Ruiz)
