BUTUAN CITY- Gi-insistar sa Malakanyang nga “firm but diplomatic” ang posisyon ni President Ferdinand Marcos Jr. kalabot sa relasyon sa Pilipinas sa China.
Sumala ni Palace Press Officer Usec. Claire Castro, nga klaro ang baruganan sa Presidente sa pagdepensa sa soberanya ug katungod sa nasud, subay sa pagpabiling hapsay ug bukas nga linya sa komunikasyon sa China.
Gi-siguro sa Malacañang nga magpabiling lig-on ang gobyerno sa pagprotekta sa teritoryo sa Pilipinas samtang gipadayon ang malinawon nga relasyon sa ubang mga nasud.
Gisiguro usab sa Palasyo ang pagrespeto freedom of speech kalabot sa nahimong pamahayag ni Chinese Embassy kansa mingkondena sa Senate Resolution No. 256. Sigon ni Castro, adunay kagawasan ang China sa sa ilang pamahayag, ingon man sa bisan kinsang mga Pilipino ug Senado.
