BUTUAN CITY – Pormal nang gibuksan sa Bureau of Fire Protection kon BFP-Butuan ang Fire Prevention Month 2024 pinaagi sa usa ka grand motorcade nga nag-highlight sa kamahinungdanon sa panaghi-usa sa komunidad alang sa kaluwasan sa tanan gikan sa sunod.
Gisundan gilayon kini sa mubo nga programa nga gipahigayon sa Butuan City Central Fire Station Riverside sa may G. Flores Avenue sa Brgy. Leon Kilat, ning siyudad sa Butuan.
Sigon ni Fire Inspector LaVerne Carlo Torralba, ang deputy acting fire marshal sa Bureau of Fire Protection-Butuan, mahinungdanon ang partisipasyon sa tanan sa maong kasa-ulugan nga duna’y temang “Sa Pag-Iwas sa Sunog, Hindi Ka Nag-Iisa”.
Gipadayag niini nga samtang atong gi-obserba ang advocacy campaign, kinahanglang magbinantayon ang tanan kalabot sa fire prevention aron masiguro ang atong kaluwasan gikan sa sunog.
