BUTUAN CITY- Padayon nga nanawagan ang mga Filipino Nurses United nga tas-an ang ilang sweldo ingon man benefits nga ihatag. Sumala ni Jocelyn Andamo, Secretary General sa Filipino Nurses United, nga nanawagan gihapon sila sa national government nga tas-an ang sweldo ug ang benepisyo nga ihatag, gani sa kasamtangan gikaproblema usab matud pa nila ang gi-ingong medical allowance nga P7,000 tungod kay daghan pa gihapoy mga empleyado sa health facility ang wala kadawat sa maong allowance tungod sa requirements nga kinahanglan pang ipa-agi sa Health Maintenance Organization kon HMO, gani palisud-lisudon pa sa mag requirements hinungdan nga daghang mga nurses ang wala maka kuha sa binipsyo bisan dugay ra nga na-release ang maong kwarta.
Sigon pa ni Andamo, nga bisan sa COVID benefits wala pa gihapon nakuha ang among benepisyo hilabi na sa mga Rural Health Unit kon RHU kansa dugay na nga gikabutyag ni President Ferdinand Marcos Jr. ug sa Department of nga kani-adto ra na release ang budget, apan gikalro niini nga hangtud karun wala pa gihapon silay nadawat.
Gani, gipasi-ugda usab niini nga himuon nang P50,000 ang sweldo sa mga nurses bisan sa pribado o pampubliko man kini tungod na nasayod matud pa ang tanan kung unsa ka paspas ang pagsaka sa inflation apan sukwahi sa pagsaka sa sweldo, inay trabaho-on ra ang mingdaghan.
Dugang pa sa Filipino Nurses Secretary General, nga base sa gi-implement niadtong 2020 nga Filipino Nurses Act of 2002 gipalig-on ug gipalambo ang propesyon sa mga nurse niini sa Pilipinas, nunot sa padayon nga kampanya nga ihatag sa gobyerno ang dugang nga suholan., apan gani hangtud karun daghan pa gihapoy mga nurses sa Local Government Unit ang wala ka dawat sa salary grade nga kapin P40,000.
Sumala pa niini, nga sa ilang maong panawagan sa National Government ug sa DOH nakadawat lang matud pa sila og daghang mga rason. Gipunting usab niini ang provision sa Magna Carta of Public Health Workers, nga kung dili makaya sa LGU ang paghatag og saktong sweldo, obligado sa National Government nga maponduhan o hatagan og budget ang mga anaa sa local nurses, buntang nga nasupak sa panggamhanan ug wala nahatagan og pagtagad sa gobyerno.
