BUTUAN CITY – Pasok na ang Philippine Women’s Football team nga Filipinas sa 2027 FIFA Women’s World Cup sa Brazil human nila gipildi ang Uzbekistan sa ilang duwa bag-uhay lang sa Gold Coast Stadium, Queensland, Australia sa score nga 2-0.
Kini na ang ikaduhang higayon nga makatungtong ang koponan sa pinakadakong entablado sa football sa tibuok kalibutan.
Nasayrang human ang dikit nga performance sa 1st half, wala na nag-usik og panahon ang Philippine women’s football team sa second half kondiin pagsulod sa ika-47 nga minutos, daling gibu-ak sa depensa ni Angela Beard aron makuha ang unang goal sa dula.
Wala pa gani m ahuman ang paghugyaw sa mga fans, subling gitay-og ni Jacklyn Sawicki ang ikaduhang goal sa ika-52 nga minutos.
Tungod sa back-toback golas, hingpit nang nawad-an og momentum ang Uzbekistan ug wala na makagukod hangtud sa katapusang sirbato sa referee.
