BUTUAN CITY- Maka-agbat na usab ni Filipina tennis star Alex Eala ang Czech Tennis Player nga si Linda Noskova sa Round of 16 sa Indian Wells Open karung adlaw Marso 11, 2026 sa California alas-11:00 sa buntag, oras sa Pilipinas.
Ang 20-anyos nga Pinay tennis ace, nga bag-o lang mingsaka ang career-high ranking sa No.28, nakasulod sa ikatulong sunod nga WTA 1000 round of 16 human ni-retire si World No.4 Coco Gauff tungod sa injury samtang nag-una si Eala, sa skor nga 6-2, 2-0. Sa iyang debut, gipildi niini ang grabe nga depensa ni Dayana Yastremska sa Ukraine, sa skor nga 7-5, 4-6, 7-5.
Ang away batok kang Noskova mao ang una nilang professional duel, apan duha na ka higayon nga napildi ni Eala ang Czech sa junior circuit—sa 2020 French Open girls quarterfinal ug sa 2018 Les Petits As.
Si Noskova, kasamtangang anaa sa World No.14 ug kanhi French Open girls champion, nakapildi sa iyang tormentor nga si Sorana Cirstea sa Dubai, aron makasulod sa duelo batok sa Pinay.
