BUTUAN CITY – Gi-ila sa Finland ang Pinay nga si Princess Rosery Cabotaje nga nakabase sa Sweden human nahimong usa sa Top 3 finalists sa Coimbra Group 3-Minute Thesis Live Competition 2024 nga gipahigayon sa Turku, Finland.
Ang award-winning nga thesis sa 4th year PhD chemistry student, naghisgot sa hydro-genases o paggamit sa hydrogen isip alternatibong tinubdan sa enerhiya aron matubag ang krisis sa klima.
Gisaysay niini nga dakong dungog nga mahimong kabahin sa contest nga gisalmotan sa gatusan ka mga scholars sa Europe.
Sumala sa 29-anyos nga scientist gikan sa Uppsala University, tinguha niining makadiskobre og dugang mga butang nga makatabang sa kalibutan kansa maoy iyang inspirasyon ug kadasig sa pagtuon sa chemistry.
Nakuha usab sa Pinay ang 1,500 euros o halos 100 mil pesos ngaganti gikan sa kompetisyon.
