BUTUAN CITY – Dako ang pagsalig sa mga Pilipino nga atua karon sa Paris, France, ngadto sa mga delegado sa Pilipinas nga musalmot sa 2024 Paris Olympic.
Sumala ni Bombo International Correspondent to Paris Marilou Custodio, excited na silang musaksi sa mga Pilipino nga atleta kansa maoy murepresentar sa Pilipinas.
Nagtuo usab ang mga Pinoy sa maong dapit nga membro sa Filipino Community nga mas mmaayo pa ang mapakitang performance karon sa mga atletang Pinoy, kung itandi na sa mga nakalabay nga Olimpyada.
Iyang gibutyag nga gipadayag matud pa ni Philippine Olympic President Bambol Tolentino nga partikular nilang gipili ang Metz City sa France isip billeting quarter sa mga atletang Pinoy tungod kay world class man ang mga pasilidad ug mga ekipos rason nga nagtuo gayud silang high level usab ang trainings sa mga atletang Pilipino.
