BUTUAN CITY – Taralon sa grand jury sa New York City karong Hulyo 9, ang nadakpang 27-anyos nga Filipino-American nga si Judd Sanson, kinsa gitudlong konektado sa Jihadist terror group sa Estados Unidos.
Mi-atubang ang maong suspek sa Queen’s Criminal Court sa New York kagahapon human nadakpan ug sumala ni Office of Queens District Attorney Melinda Katz, gidakop sa kapulisan si Sanson atol sa traffic stop niadtong Miyerkules, Hunyo 12.
Gipasakaan kini og kasong may kalambigitan sa mga delikadong armas nga nakita sa iyang sakyanan nga wala usa’y plaka.
Nakita usab sa mga otoridad ang maong lalaki sa may 86th street ug Ditmars sa Queens kansa importante matud pa nga mga dapit tungod kay didto gipamusil ang 2 ka sakop sa New York Police District.
