BUTUAN CITY- Minghimo og kasaysayan ang Filipino-American nga si Autumn Durald Arkapaw, human kini mingdaog og Oscar alang sa Best Cinematography sa salidang ”Sinners” sa 98th Academy Awards.
Siya ang pinaka-unang babae nga naka-angko sa maong pasidungog alang sa maong kategorya. Sa iyang speech, gipasalamatan ni Autumn ang direktor nga si Ryan Coogler ug ang tanang tao nga nakatrabaho niini sa pelikula.
Gawas niini, gipasi-ugda usab ni Autumn ang iyang pasalamat sa tanang kababayen-an nga iyang na-ila sa Oscars ug sa tanang kababaihan sa tibuok kalibutan.
Gawas sa Best Cinematography, ming-daog usab ang pelikulang “Sinners” og tulo ka laing Oscars: Best Lead Actor alang kay Michael B. Jordan, Best Original Screenplay alang kang Ryan Coogler, ug Best Original Score alang kang Ludwig Göransson.
Si Autumn adunay kasinati-an na sa pag-cinematography sa pipila ka pelikula sama sa The Last Showgirl sa 2024, Black Panther: Wakanda Forever sa 2022, ug Palo Alto sa 2013.
Ang iyang kadaogan gi-ilang inspirasyon alang sa kababayen-an sa industriya sa pelikula ug sa mga Filipino sa tibuok kalibotan.
