BUTUAN CITY – Mugasto ang Estados Unidos og $115 milyon para sa mga counter-drone technologies aron masiguro ang seguridad sa FIFA World Cup ug sa pagsa-ulog sa ika-250 nga anibersaryo sa kaugalingnan sa Amerika.
Sumala sa Department of Homeland Security, gipadali na nila ang pagpalit ug pag-deploy sa maong mga drone ug counter-drone technologies.
Dugang pa ni Homeland Security Secretary Kristi Noem, nanguna ang Estados Unidos kung hisgutan ang teknolohiya sa drones tungod kay kaylap man sa ilang nasud ang dili otorisadong pagpalupad sa mga drone nga walay permit.
Isip lakang sa seguridad, siguruhon nila nga dali kining mapugngan o mababagan. Himuon ang FIFA World Cup sugod sa Hunyo 11 hangtod Hulyo 19, diin ang Estados Unidos, Canada, ug Mexico ang mahimong mga host countries.
