BUTUAN CITY – Human ang makasaysayanong paglusad sa Department of Trade and Industry kon DTI-Caraga sa pinaka-unang Creative Caraga Festival niadtong Pebrero 20 hangtud 22, ning tuiga, ilusad na usab sa Department of Trade and Industry kon DTI-Caraga ang Fiesta Haraya karong Oktubre 15 hangtud 18 nga himuon sa South Atrium sa Robinsons Place Butuan.
Gipasabot ni DTI-Caraga Assistant Regional Director Brenda Corvera nga branding sa ahensya ang Fiesta Haraya alang sa national ug regional festival apan dinhi sa rehiyon, gibansagan kining Creative Caraga Festival.
Sa upat ka adlaw nga kalihukan, ubay-ubay nga mga kalihukan ang himuon sama sa laing hugna na usab sa industry talks, panel discussions, performances, exhibits ug networking uban sa laing mga creatives.
Dinhi usab idetermina ang official Creative Caraga Festival song atol sa musical night ug ipa-ila ila ang Creative Crawl destinations kansa bukas ngadto sa publiko.
Si Department of Trade and Industry kon DTI-Caraga Assistant Regional Director Brenda Corvera.
