-- ADVERTISEMENT --
BUTUAN CITY – Misaka na usab ang presyo sa isda tungod sa padayon nga pag-ulan nga nakaapekto sa supply ug operasyon sa mga mangingisda sa nasud.
Sa mga kamerkadohan, ang galunggong mingpresyo na gikan sa P120 ngadto P140 kada kilo, samtang sa ang bangus ug tilapia misaka og P20 ngadto sa P30 kada kilo kumpara sa miaging semana.
Sumala sa Department of Agriculture, ang pagtaas sa presyo posibleng moabot og 15 ngadto sa 30% ilabi na sa mga lugar nga grabe ang epekto sa panahon.
Ang malungtaron nga pag-ulan sa miaging mga adlaw nagdala og taas nga balod ug delikado nga kahimtang sa dagat, hinungdan sa kakulang sa preskong isda sa merkado.
