BUTUAN CITY – Gikondena sa upat ka hurisdiksyn sa Knights of Columbus ang mga anumalusong flood control projects sa Pilipinas nga ningresulta sa bilyones pisos nga kantidad sa kurapsyon.
Sumala ni Roy Rosales, ang Regional Deputy Officer sa Knights of Columbus-Caraga, sakit pamalandungon ang nahisgutang kurapsyon, ilabina nga alang kanila, kinahanglang gayod nga mobarug batok sa nasangpit nga isyu.
Gani, apektado usab ang uban mga membro sa nasangpit nga grupo, kansa dunay kapin sa 500-mil ka mga membro sa tibook Pilipinas. Dako ang ilang paglaum nga makatabang gayud ang gimugna nga Independent Commission arun mabulgar ang tanang nalambigit sa kurapsyon ilabina kadtung pinaagi sa flood control projects ug patubagon.
Subay pa ni Rosalaes, kinahanglang molambigit ang katawhan sa mga rally, apan kinahanglang pianagi sa nalinawon nga paagi ingon man mga pag-ampo ilabina nga wala pa gayod hingpit nga maresolba ug mawala ang kurapsyon.
