BUTUAN CITY – Gialegahan sa Malacañang ang lead defense counsel ni kanhi Presidente Rodrigo Roa Duterte nga si Atty. Nicholas Kaufman nga gituis matud pa ang kamatuoran sa gihangyong interim release ni Duterte gikan sa kustudiya sa International Criminal Court kon ICC.
Sumala ni Palace Press Officer Undersecretary Atty. Claire Castro gilakip matud pa sa abugado ni Duterte sa gisang-at niining dokumento ngadto sa ICC Pre-Trial Chamber I, nga andam ang pangamhanan sa Pilipinas nga dawaton ang bisan unsang desisyon nga makapagawas sa kanhi Presidente gikan sa pagkabilanggo niini tungod sa mga giatubang nga kaso mahitungod sa war on drugs.
Una nang gilakip ni Kaufman ang mga pamahayag ni Castro niadtung Merkules, kanus-a gikataho usab niini nga wala nagmabungahon ang mga foreign trips sa Bise Presidente.
Pagklaro ni Castro nga walay labot ang panggamhanan sa Pilipinas sa trial ni Duterte sa ICC, apan gipasabot usab niini nga dawaton sa Pilipinas ang bisan unsang desisyon sa ICC may kalabutan sa kaso sa kanhi Presidnete.
