BUTUAN CITY – Gikumpirma ni Department of the Interior and Local Government (DILG) Secretary Juanito Victor ‘Jonvic’ Remulla nga usa sa hinungdan sa pagkatangtang ni Police Gen. Nicolas Torre III isip hepe sa Philippine National Police kon PNP mao ang iyang gihimong reshuffling sa mga tag-as nga opisyal sa PNP.
Kamatu-uran niini, gimanduan si Torre sa National Police Commission kon NAPOLCOM nga bakwion ang reassignment sa pipila ka mga tag-as nga opisyal kondiin lakip sa gilahugay ang kasamtangang officer-in-charge sa PNP nga si Police Lt. Gen. Jose Melencio Nartatez Jr., ang ikaduha nga pinaka taas nga opisyal sa PNP nga gibalhin ni Torre sa Mindanao.
Una nang gipadayag sa NAPOLCOM nga wala mi-agi sa en banc approval sa komisyon ang gihimong appointment ni Torre, kansa mao ang gikinahanglan base sa Republic Act 6975. Sumala ni Remulla, bisan lisod, apan kinahanglan ang pag-relieve kang Torre alang sa national interest sa Pilipinas.
Gibarugan matud pa ni Pangulong Ferdinand Marcos Jr. nga kinahanglang mugana ang security apparatus nga nakalatid sa balaod, ug kinahanglan usab nga respetuhon ang papel sa NACPOLCOM dungan sa pagklaro nga kinahanglang matangtang matud pa, ang bahid sa puliltika sulod sa inmstitusyon.
