Nagprotest ang pipila ka mga demonstrador sa Israel kagahapong adlawa sa panawagang hunungon na ang gyera sa Gaza, ug buhian usab sa Hamas ang mga nabilin niining bihag.
Gibabagan sa gma niini ang pipila ka mga dagkong kalsada sa Israel og mga gipangsunog nga ligid, duna usab kini dalang mga simbolikong bandera.
Lakip sa gipanawagan sa mga demonstrador si US President Donald Trump alang sa cease fire tali sa duha ka estadu. Kini human gikataho sa Presidente nga duna nay konklusibong pagtapos sa gyera sunod semana.
Samtang sa Gaza, naghiusa usab ang pipila ka mga demonstrador sa panawagang undangon na sa Israel ang pagpamumba, diin sa katapusn niining atake sa NAsser Hospital sa Gaza, 20 ka mga indibidwal ang namatay diin lakip niini ang lima ka mga journalist sa nagkalain-laing media outlet.
Una na usb nga nanawagan ang United Nation human rights office nga kinahanglan matud pang dunay makitang hustisya sa pagpatay sa nasangpit nga ihap lakip sa mga journalists. Kahinumdumang giangkon ni Israeli Prime Minister Benjamin Netanyahu nga gibasulan na sa Israel ang nasangpit nga “tragic mishap”.
