BUTUAN CITY – Ubay-ubay na nga mga kanasoran ang nagkondina sa Estadus Unidos human niini gibombahan ang Iran bandang alas 9 ang takna sa buntag, oras sa Pilipinas.
Kahibaloang gibombahan sa US ang tulo ka mga nag-unang nuclear facility sa maong nasod kansa mao ang Fordow Fuel Enrichment Plant kansa usa ka underground site; Natanz Nuclear Facility, kansa mao ang pinaka dako nga enrichment complex sa Iran; ingon man ang Isfahan Nuclear Complex, key site sa Iran alang sa uranium conversion ug fuel fabrication.
Subay niini, daling gikondina sa mga nag-unang kritiko nga mga nasod sa Western military interventions ang America.
Unang gitawag sa Venezuela ang maong pagpamomba isip “military aggression” ug gimando ang hinanaling pagtapos sa nasangpit nga kagubot. Subay niini gikundina usab sa Oman ang nasangpit nga panghitabo, diin sumala sa gipagawas nga official statemant sa maong nasod, gihangyo niini nga hunongon na sa US ang gihimo niining escalation sa gyera sa tunga-tungang sidlakan.
Lakip sa ning kundina sa US mao ang Mexico, kansa naghatag og gimbug-aton sa kalinaw, ingon man coexistence sa mga nasod isip prayoridad. Giatawag usab sa Cuba ang maong panghitabo isip “serious violation of the UN Charter”. Sigon usab sa Presidente sa Chile nga si Gabriel Boric, wala matud pa nagpasabot nga mamahimo nang gamiton sa usa ka gamhanang nasod ang kusog niini.
Alayon niini, gitawag usabs a Brazil ang maong panghitabo isip “unacceptable use of force” atul mismo sa UN Session. Pasidaan usab sa nasod nga Qatar ngadto sa US nga mamahimong mosangput sa “catastrophic consequences” ang lakang sa US ugaling dili niini mapaundang ang tension sa middle east.
