BUTUAN CITY – Sa pinaka unang higayon, duna nay mapadalang kandidata ang Estadu sa Palestine sa prestihiyosong Miss Universe stage karong tuiga sa Thailand.
Napili nga moapil sa maong indigay ang Dubai-based beauty queen nga si Nadeen Ayoub.
Sumala sa kumpermasyon niini sa iyahang Instagram account, gipaila-ila ni Nadeen ang kaugalingon niini isip representante sa Palestine, kansa dili lang mo-estorya uban sa titulo, kundili sa kamatuoran.
“At a time when the world’s eyes are on our homeland, I carry this role with deep responsibility,”
Nadeen Ayoub
Sigon ni Nadeen sa Instagram post nga gamiton niini ang maong oportunidad nga marepresentar ang mga kababayen-ang Palistino ug ingon man ang mga bata.
Lakip sa gihisgutan niini ang inisyatibang Sayidat Falesteen kon Women of Palestine diin mamahimong maka hisgot ang mga babayeng Palistino sa ilahang mga estorya sa kinabuhi.
Gidedikar ni Nadeen ang pageant journey niini sa mga bata nga nangandoy labaw pa sa uluhan sa matag balita, ingon man sa mga babayeng nag-umol sa kaugmaon taliwala sa kalisdanan.
