BUTUAN CITY – Gimando ni Presidente Ferdinand Bongbong Marcos Jr. ang lawom nga imbestigasyon sa tanang flood control projects kansa duna matud pay magkaparehong budget apan walay ‘specified structures’.
Lakip sa gipaimbistigahan sa Presidente ang 15 ka mga contractors nga nakakuha sa 20% sa kinatibuk-ang P545.64 billion budget sa mga proyekto. Kini ang kamanduan sa Presidente human niini gibuksan kagahapong adlawa sa publiko ang bag-ong website nga ‘i-sumbong sa pangulo’ kansa mamahimong makalambigit ang publiko sa gihimong imbistigasyon sa Department of Economy, Planning, and Development kon DEPDev ug sa uban pang ahesnya sa pangamhanan.
Atul niini, gibulgar usab sa Presidente ang mga irigularidad sa pagimplemetar sa maong mga flood control projects sa Department of Public Works and Highways (DPWH). Sumala niini nga sa 9,855 ka flood control projects gikan niadtung Hulyo 2022 hangtod Mayo 2025, 6,021 niini ang mga proyekto nga adunay gigahin nga budget nga P350 bilyon ang wala mag-specify exact type sa flood control structure nga gitukod. Gikatingala usab sa Presidente kung nganong dunay managlahing lugar ug terrain ang dunay samang contract cost.
Ang pamahayag ni Presidente Ferdinand Bongbong Marcos Jr. Sumala sa inisyal nga imbistigayon, lakip matud pa ang Cebu, nga dunay 414 ug Isabela nga dunay 341 ka mga flood control projects sa dunay pinaka daghang proyekto, apan wala sa top 10 flood prone nga mga probinsya. Base sa National Adaptation Plan of the Philippines 2023-2050, ang top Flood Prone Provinces kay ang mga probinsya sa Pampanga, Nueva Ecija, Pangasinan, Tarlac, Bulacan, Metro Manila, Maguindanao, North Cotabato, Oriental Mindoro, ug Ilocos Norte.
