BUTUAN CITY – Naka-abot na sa Panacan warehouse sa Department of Social Welfare and Development kon DSWD Region XI sa Davao City ang 18 ka trak nga puno sa mga Family Food Packs alang sa mga biktima sa magnitude 7.4 nga linog.
Gikan sa usa ka grupo nga gibansagang Angels in Red Vests ngadto sa laing mga grupo, natugyan na ang mga relief goods uban sa hini-usang katuyuan, ang pagserbisyo sa mga nanginahanglan.
Kini usa ka lig-ong timaan nga sa panahon sa krisis, ang bayanihan maoy mahimong tulay sa kalay-on aron mabati sa mga nanginahalan ang gugma sa isi’g katawo.
Alayon niini, gipa-abot sa Department of Social Welfare and Development (DSWD) Field Office Caraga ang dakong pagpasalamat ngadto na sa Philippine Army ingon man sa mga Navy reservists, mga Caraga volunteers, ug uban pa nga mitabang sa pagkarga sa 30,000 ka mga Family Food Packs.
Nagpasalamat usab si DSWD Caraga Regional Director Mari-Flor Dollaga, lakip na ang Disaster Response Team, sa ilang suporta alang sa direktiba ni Secretary Rex Gachalian, ubos sa jamanduan ni Pangulong Ferdinand Marcos Jr. aron masigurong walay magutman nga pamilyang apektado sa linog.
