BUTUAN CITY – Gi-relieve na ni Philippine National Police (PNP) acting chief Police Lieutenant General Jose Melencio Nartatez Jr. si Police Brigadier General Jean Fajardo isip tigpamaba sa organisasyon, base sa pagkumpirma sa National Police Commission kon NAPOLCOM.
Sigon sa NAPOLCOM, ang desisyon ni Nartatez tungod kay si Fajardo wala matud pa sa saktong buhatan aron magsilbing spokesperson tungod kay siya ang kasamtangang director sa Directorate for Comptrollership sa PNP dayong butyag nga importante nga ang nasangpit nga posisyon, kinahanglang ihatag ngadto sa opisyal nga anaa sa Public Information Office.
Gipasabot ni Nartatez nga ang spokesperson, anaa gayod sa Public Information Office, tungod kay anaa kanila ang tanang impormasyong gikinahanglan sa publiko rason nga wala na’y angayan matud pang ipangutana kung kinsa ang angayang mahimong tigpamaba sa PNP.
Ang gipasabot ni Nartatez mao si PNP Public Information Office chief Police Brigadier General Randulf Tuaño.
