BUTUAN CITY – Gikumpirma usab ni Datu Jimmy I. Guinsod sa Surigao Del Sur, nga dili lehitimo ang grupo sa Federal Tribal Government Of The Philippines kon FTGP nga mihimo og pagpang pag-padlock og pag-checkpoint sa Surigao City niadtong adlaw’ng Biyernes, Enero 24, 2025.
Sigon ni Datu Guinsod dili matud pa lehitimo nga IP Leaders ang nagdala niini samtang wala usab giila nga Indigenous People’s Organization sumala sa ilang gigamit nga balaod nga IPRA Law.
Tungod niini, makonsidera usab sila nga bugos kon peke nga organisasyon. Gane ang nangulo sa maong grupo nga sila Jorgeto Corpuz Santisas, kon Datu Adlaw og Bae Lourdes Latraca Infante, walay rekord sa National Commission on Indigenous People kon NCIP.
Si Datu Jimmy I. Guinsod sa Surigao Del Sur.
Nasayrang Gipasakaan og kaso si Datu Adlaw, ang supreme leader ug Provincial Chieftain sa Surigao del Sur nga lumad sa Davao del Sur og Bae Lourdes Latraca Infante, usa ka Tribal Leader sa Surigao del Norte nga nagpuyo sa Purok-5, Barangay Sabang, tungod sa paglapas sa Revised Penal Code of the Philippines, Article 155, bahin sa Alarm and Scandals.
Samtang dunay uban pang reklamo nga gi-file batok sa Federal Tribal Government Of The Philippines gikan sa mga tag-iya sa mga establisemento nga nakasinati og mga kalisdanan tungod sa ilang mga lihok.
