BUTUAN CITY – Aminado si acting Butuan City Fire Marshal Sr Insp Ronald Vasquez nga duna pa gihapon sila’y madungog nga nagpabuto gamit ang mga firecrackers taliwa nga gibawal na kini dinhi sa siyudad ug kamatu-uran niini ang pag-ban sa pagbaligya niini karon nga Christmas season.
Sigon ni Vasquez, kung wala’y musumbong kanila o kaha ngadto sa kapulisan kalabot sa mga Butuanons nga padayong migamit og mga firecrackers hangtud na sa pagsugat sa bag-ong tuig 2026, wala sila’y ma-aksyunan kansa delikado tungod kay mahimo man unya kining hinungdan sa mga kadaut sama sa pag-angol sa mabuthan niini o kaha pagkasunog sa pinuy-anan.
Kinahanglan matud pa ang pagpakabana sa tanan aron hingpit nang mahunong ang kagahi sa ulo sa uban, pinaagi sa pagpahamtang og penalidad niadtong mapamatud-ang nasapon nga nagpabuto gamit ang mga firecrackers.
Dugang sa opisyal, aron matuman ang gusto sa tanan nga sadyang holiday ilabina ang pagsugat sa bag-ong tuig, kinahanglang ubanan matud pa kini sa obligasyon sa tanan nga musunod sa balaud ilabina dinhi sa Butuan.
Kini tungod kay kung pasagdan lang, maghatag man kini og dakong kahasol ilabina kung muresulta sa dili maayo ang padayon ug tagotago nga paggamit sa mga pabuto.
