BUTUAN CITY – Milingkod na isip bag-ong speaker sa House of Representatives si Faustino “Bojie” Dy III, representante sa Isabela 6th District, kinsa maoy gi-endorso ni Rep Martin Romualdez human gipili sa mayoriya sa mga myembro sa Kamara.
Human nakuha ang boto nga 253 nga pabor, nanumpa gilayon si Dy sa katungdanan atubangan sa mga magbabalaud nga present sa ilang regular session.
Samtang adiser ang botasyon, namulong una si Romualdez kondiin iyang gisaysay ang iyang kinasing-kasing matud pa nga paghimo sa iyang trabaho ug aron ipreserba ang reputasyon sa House of Representatives ug suportahan ang independent probe sa mga proyekto sa imprastruktura, nagdesisyon siyang muluwat na sa katungdanan.
Gibutyag niini nga samtang magdugay siya sa maong posisyon, nagkabug-at ang iyang gipas-an apil na sa Kamara ug sa presidente nga iyang gisuportahan.
