BUTUAN CITY – Nakahan-ay na ang nagkada-iyang programang ipatuman sa City Agriculture’s Office sa dakbayan sa Surigao isip kabahin sa pagsaulog sa Farmers and Fisherfolks Month ning bulan sa Mayo.
Unhan kini ugmang adlawa Petsa 4 pinaagi sa ipahigayong Coastal Clean-up, snga sundan sa Agri-Aqua Tabo diha na sa Surigao City Hall Compound pagka-petsa 7 dayon ang fingerlings dispersal sa Mayo 9.
Samtang pagka-Mayo 10 ug 11 mao ang pagpadayon sa Boat and Fisherfolk Registration; Mayo 16 hangtud na sa petsa 18 himoon ang Barangay to Barangay Philippine Crop Insurance Orientation; sa petsa 23 hangtud na sa petsa 26 mao ang Development Training for AEWs and Key Staff; ug sa kataposan sa bulan sa Mayo sa petsa 31 mao na ang closing program nga adunay ipang apod-apod nga Fishery interventions sa pakigtambayayong usab sa buhatan sa BFAR. (Melody Valledor)
