BUTUAN CITY – Labaw karon ang far right sa France sa unang hugna sa parliamentary elections nga nagkumpirma sa ilang pagdomina sa pulitika sa maong nasud ug magdala kanila sa gahom.
Naninggit sa kalipay atol sa anti-immigration National Rally (RN) ni Marine Le Pen ang iyang mga supporters ilabina dihang iyang gibutyag nga ilang nasilhig ang Macronist bloc.
Nasayrang nadag-an sa RN ang 33.1-porsiento sa boto samtang 28-porsiento lang ang nakuha sa left-wing alliance ug ang kampo ni President Emmanuel Macron ang ikatulo pinaagi sa 20.76%.
Sigon ni RN party leader Jordan Bardella, gusto niyang mahimong prime minister alang sa tanang mga Pranses bisan og 28-anyos pa lang siya.
Gusto nila Marine Le Pen ug Jordan Bardella ang absolute majority sa 289 sa 577-ka mga lingkuranan sa National Assembly.
