BUTUAN CITY-Nagpadayon pa gihapon ang gihimong augmentation sa Department of Social Welfare and Development Caraga (DSWD) alang sa pagtabang sa mga lugar nga wala pa makabarog human ang paghapak sa bagyong Odette.
Padayong natabangan sa DSWD Caraga ang pag-augment sa Family Food Packs (FFPs) sa isla ug mga munisipalidad sa Siargao Islands ug Surigao del Norte.
Sa kinatibuk-an, natunol na ang 4,802 FFPs ngadto sa munisipyo sa Dapa, Del carmen, Burgos ug San Benito. Ang pang-apod-apod sa mga ayuda ang wala’y undang nga tabang sa buhatan sa ihap sa mga ipanghatag nga FFPs nga gitagana sa munisipyo.
Gikonsidera usab ang ihap s amga apektadong pamilya nga maoy usa sa basehan sa distribusyon.
Samtang padayon gihapon ang monitoring sa mga personahe sa DSWD Caraga sapagkuha og datos alang sa preparasyon pa sa pagpanghatag sa dugang ayuda.
