BUTUAN CITY – Plano matud pa ni Education Secretary ug Vice President Sara Duterte-Carpio nga inanay nang ipatuman ang face-to-face classes alang sa school year 2022-2023.
Sa eksklusibong pakighinabi sa Bombo Radyo Butuan, gipadayag ni Dinagat Islands Governor Nilo Demerey Jr. nga gipadayag kini sa besi presidente atol sa pakigtagbo unta ni Pangulong Bongbong Marcos kanilang 81 ka mga bag-ong gobernador ug 146 ka mga city mayors sa tibuok Pilipinas nga napili sa bag-uhay lang nga eleksyon niadtong Biernes.
Sigon sa gobernador, sugod sa Agusto 22 ning tuiga, plano ni Education Sec Sara Duterte-Carpio nga kada-semana himuon ang face-to-face classese gikan sa adlaw’ng Lunes ngadto sa Miyerkules samtang sa Huwebes ug Biernes, ang online classes na.
Obserbahan matud pa kini hangtud karong Nobyembre aron masayran kung angayan na bang ipatuman ang full face-to-face classes.
Gipasabot matud pa ngadto kanila ni Sec Inday Sara nga kung pabiling magmahadlukan ang tanan sa COVID-19, daghang oportunidad sa kabataan ang mawala nga maghatag og alkansi kanila.
Sa ilang lalawigan, hatagan matud pa sila og pundo gikan sa Quick Response Team kon QRT aron magamit sa ilangpagpa-ayo sa mga tunghaan.
Kini tungod kay dili pa man sila andam sa himuong face-to-face classes ilabina nga 253 ka mga tunghaan sa ilang lalawigan ang nadamyos sa paghapak sa bagyong Odette ug Agaton.
Gi-brief na matud pa niya ang kalihim kalabot sa sitwasyon sa mga tunghaan saentiro rehiyon nga naguba sa nanglabay nga mga bagyo.
