BUTUAN CITY – Nasubo ang mga environmentalists sa Caraga Region sa pagbasura sa Commission on Appointments sa katudluan ni kanhi Department of Environment and Natural Resources kon DENR appointed Secretary Gina Lopez.
Sa pakighinabi kang Atty. Josefe Sorrera-Ty, dean sa College of Law sa Father Saturnino Urios University, gibutyag niining si Lopez ang nakita niyang duna’y extra ordinary nga kapasidad aron maremedyuhan una ang extra-ordinary na nga kadaut sa kina-iyahan nga mugna sa irespnsableng pagmina.
Wala matud pa makita sa komisyon ang extra-ordinary leadership nga abilidad ni Lopez hinungdan nga napanglantawan niyang wala’y kasing-kasing ang komisyon aron panalipdan ang kina-iyahan.
Wala’y laing nakitang hinungdan si Atty. Ty sa wala nila pagkumpirma kang Lopez tungod kay dayag matud pa kaayo nga giprotektahan lang sa mga membro sa komite ang ilang personal nga interests.
Wala matud pa nila huna-hunaa ang grabeng naglisod nga katawhan nga maoy kanunay mabiktima higayong duna’y kalamidad nga makutay sa nagubang kina-iyahan sama sa baha, pagdahili sa yuta ingon man linog. (Beth Ruiz)
