BUTUAN CITY- Gisugyot karon sa Department of Agriculture ang extension sa Rice Competitiveness Enhancement Fund kon RCEF alang sa pagpalambo sa produktibidad sa agricultural sector sa Pilipinas. Sumala pa ni Agriculture Secretary Francisco P. Tiu Laurel nga sa kasamtangan, ila nang gisapinal ang mga proposals sa pagkultibar sa nasangpit nga programa ilalum sa Rice Tariffication Law (RTL).
Sumala sa nahisgutang opisyal nga lakip sa ma nakalatid nga proposed changes mao an gpag facilitate sa pagmodernize ingon man sa pag enhance sa farm mechanization sa nasod, kansa maoy gikinahanglan aron mas molambo pa ang pagpanguma sa nasod.
Dugang ni Tiu Laurel nga ang maong gisugyot nga mga pagbag-o gitumong sa pagpadali sa modernisasyon ug pagpauswag sa mekanisasyon sa kaumahan sa nasod, ingon man pagpausbaw sa competetiveness sa mga mag-uuma sa humay.
Nasayran nga ang RTL gipatuman aron mapromote ang rice liberalization pinaagi sa pagpatuman sa mga taripa sa pag-import ug paggahin ug tinuig nga budget pinaagi sa RCEF.
Sa kasamtangan, gigahinan na sa panggamhanan ang RCEF og P10 bilyones matag tuig alang sa mosunod nga unom ka tuig aron suportahan ang mga mag-uumang Pilipino, diin gipang apod-apod kini ngadto sa gagmay nga mga mag-uuma sa bugas isip tabang pinansyal, ug gilaumang padayon nga magamit sa mosunod nga mga tuig.
