BUTUAN CITY – Gipangunahan kaganina ni Pangulong Ferdinand R. Marcos Jr. ang ceremonial launching sa Megawide Precast Technology Plant sa Taytay, Rizal nga maoy manguna sa pagmugna og mga precast housing components alang sa Expanded Pambansang Pabahay para sa Pilipino Program (Expanded 4PH).
Pinaagi sa precast technology, gila-umang mapaspasan ang konstruksyon sa mga dekalidad ug barato nga pabalay ilalom sa maong programa.
Gipangunahan usab sa pangulo ang ceremonial turnover sa housing assistance alang sa mga benepisyaryo sa 4PH, isip kabahin sa pagsa-ulog sa anibersaryo sa Department of Human Settlements and Urban Development (DHSUD).
Sa iyang pagpamulong, gipadayag sa pangulo ang mga paagi pagpatuman sa mga policy reforms, program expansion ingon man ang people-centered approach nga nagpalig-on sa housing and urban development agenda sa iyang administrasyon.
Ang kalihukan kaganina na-atol sa ika-pito ka tuig nga anibersaryo sa Department of Human Settlements and Urban Development (DHSUD) nga duna’y temang, ‘Seven Years of Continuing Service: Celebrating Our People and Partners in Building Homes, Building Communities, and Building Happiness.’
