BUTUAN CITY – Giklaro ni Simeon Vicente ‘Sim’ Castrence, assistant Provincial administrator sa Surigao Del Norte nga walay kamatooran nga nagpatuman og lockdown ang lalawigan.
Sumala pa ni Castrence bisan og na-alarma ang kagamhanan sa kahimtang sa Langihan Public Market rasong dunay giplano nga magsirado sa borders nga pasulod sa Surigao Del Norte sugod sa Setyembre 5 ngadto sa 19.
Gane duna na kini executive order nga pirma nalang ni Governor Francisco Matugas ang kulang apan kaganinang buntag, gipa-anunsiyo kaniya nga walay mahitabong pagsirado sa borders tungod kay balik-normal naman ang Butuan City og kamatooran niini ang subling pag-abli sa Langihan market.
Tungod niini, padayon gihapong tugutan nga makasulod sa lalawigan ang dili mga residente sa probinsiya basta makapakita lang sa mga rikisitos.
Sigon sa opisyal nga ang manulod sa ilang lalawigan, required nga magpakita og negative RT-PCR result ug negative Rapid Antibody-based Test gawas nga ipa-ilalom usab sila sa 14 ka adlaw nga mandatory quarantine.
Apil sa mupa-ilalom niini ang mangabot ng locally stranded individuals kon LSIs ug mga returning overseas Filipinos kon ROFs apan exempted sila sa testing fee. Pasabot pa ni Castrence nga adtu kuhaon sa giginakang lugar sa indibidwal, ang rapid test.
Samtang ang mga residente sa Surigao Del Norte nga mobiyahe sulod lang sa probinsiya, kinahanglan lang nga magpakita og travel authority ug medical certificate.
Ang mga residents sa Dinagat Islands nga musulod sa maong lalawigan, required pagdala sa ilang work ug home quarantine pass o kaha mag-self quarantine ilabina kung duna’y negosyo o kaha mutrabaho sa Surigao City.
Kini tungod kay ang island province duna na’y walo ka mga positive active cases sa CoViD-19.
Gikumpirma usab sa opisyal nga human nga nakarekober ang tanang positibo sa Covid-19 sa lalawigan, subli kining nakatala og kaso kagahapong adlawa.
