BUTUAN CITY – Sa ikaduhang higayon, nakalingkawas na usab sa iyang gi-atubang nga impeachment case si kanhi US President Donald Trump kansa maoy nagtapos sa paningkamot sa Democrats nga patubagon ang kanhi presidente sa duguong US Capitol riot.
Kini human siya gipawala’y sala sa Senado sa pagtaral alang sa kasong incitement of insurrection. Nag-convene ang Senado alang sa weekend session aron ipakanaog ang ilang hukom.
Natapos ang pagtaral uban sa 57 ka mga boto kansa dili igo sa gikinahanglang 67 aron ikonbikto si Trump kondiin pito ka mga Republicans ang misi-ak sa ilang mga ka-ubanan aron lang mu-uban sa tinguha sa Democrats nga makonbikto ang kanhi pangulo.
Sigon sa abogado ni Trump nga si Bruce Castor, dako ang ilang kalipay sa desisyon sa senado aron protektahan ang nakalatid sa ilang konstitusyon.
