BUTUAN CITY – Hingpit nang gitangtangan sa Supreme Court (SC) og katungod o higayong makalingkod sa bisan unsa mang posisyon sa gobyerno si kanhi Surigao del Sur Rep. Prospero Pichay Jr. human kini nagdesisyon kalabot sa iyang “perpetual disqualification from holding public office”.
Sa duha ka palid nga “entry of judgement” ni Supreme Court Deputy Clerk of Court ug Chief Judicial Records Officer Basilia Ringol, nakalatid nga final ug kinahanglan nangipatuman ang na-unang desisyon sa Supreme Court First Division nga midapig sa unang kamanduan sa Office of the Ombudsman nga pahamtangan og tibuok kinabuhing pag-ban kang Pichay nga mukupot sa bisan unsa mang government position.
Madumdumang sa 40 ka palid nga resolusyon sa Supreme Court First Division niadtong Nobyembre 11, 2021, gibasura sa high tribunal ang petisyon ni Pichay nga ipawala’y bili ang iyang administrative ug criminal liabilities. Kini human gipagawas ang dismissal order batuk kaniya sa Office of Ombudsman niadtong 2001 kondiin apil niini ang perpetual disqualification from holding any public office isip accessory penalty.
Gipasakaan usab og kasong graft si Pichay sa Ombudsman ngadto sa Sandiganbayan tungod sa pagpalit sa Local Water Utilities Administration (LWUA), sa 445,377 shares konbugti sa 60% nga shares sa Express Savings Bank Inc. (ESBI) sa kantidd nga P80 milyon, na walang prior approval gikan sa Monetary Board.
Natigayon kini dihang siya pa ang chairman sa LWUA kondiin iyang gi-aprubahan ang pagdeposito sa P300 million sa ESBI g pagbalhin sa maong bangko og dugang P400 million isip capital infusion sa ahensiya, nga dili gihapon aprubado sa Monetary Board.
