BUTUAN CITY – Mi-abot sa P122,440.00 nga kantidad sa suspected shabu uban sa mga drug paraphernalia ug ubang mga gamit ang nakumpiska sa gilusad nga drug buy-bust operation kaganinang alas-2:00 sa kaadlawon sa Room 8 sa Beehive Lodge sa Purok 1, Brgy. Bancasi ning siyudad sa Butuan.
Nakuha ang maong ilegal nga druga gikan sa posisyon nila Elmer Lacia de la Torre, 50-anyos, minyo, usa ka kanhi pulis ug residente sa Purok 4, Brgy. Baan Riverside ning siyudad sa Butuan ingon man ang managsoong Rosalie Telewik Ariola, 48-anyos, biyuda, residente sa Emily Homes Subd., sa Purok 15, Brgy. Libertad ning siyudad ug Joseph Telewik, 45-anyos, minyo ug residente sa Purok 1, Brgy. Lacasan, lungsod sa Hinatuan, Surigao del Sur.
Gikostudiya na sa Regional Drug Enforcement Unit-13 ang mga suspek ug ang 18-gramos nga suspected shabu alang sa tukmang disposasyon ug dokumentasyon.
