BUTUAN CITY – Nadetine na sa detention facility sa House of Representatives si kanhi Philippine Charity Sweepstakes Office kon PCSO General Manager Royina Garma human gi-contempt sa House Quad Committee tungod matud pa sa pagpamakak ug wala pagtubag sa mga pangutana sa mga magbabalaud. Adiser nag-adjourn ang pagdungog sa Komite kagabii, naghilak si Garma ug gipamugos nga wala siya mamakak.
Naghilak si Garma nga mihangyo sa Komite nga buhian siya tungod kay naghulat kaniya ang iyang anak nga masakiton kansa mangita kaniya. Tubag usab ni Sta Rosa, Laguna Rep. Dan Fernandez, nasabtan nila ang gibati sa kanhi opisyal dayong butyag nga ilang ipasundo ang iyang anak ug dalhon sa Kamara. Samtang gibutyag sab ni Abang Lingkod Party List Rep. Stephen Caraps Paduano nga duna siya’y pruweba nga namakak si Garma ilabina sa isyu sa biyahe niini padulong unta sa Amerika aron patambalan ang iyang anak nga masakiton.
Saysay ni Garma, dili direct flight ang iyang nakuha rason nga nag-stop over sila sa Japan ug mikuha na lang siya og boarding pass, apan gikansela ang iyang US Visa rason nga dili sila pwedeng mubiyahe apan wala siya’y kasayuran kung nganong gikansela ang iyang US Visa. Bisan pa man gibutyag ni Paduano nga dili ang isyu sa iyang biyahe ang rason sa pag-cite in contempt kang Garma kundi sa pagpamakak matud pa niini sa pagsugod pa lang sa pagdungog.
