BUTUAN CITY – Gibarugan sa nagpailang 18 ka mga kanhe Marines o sundalo ang mga nakalatid sa ilang gisubmiteng pamahayag sa Office of the Ombudsman.
Lakip na niini ang pag-deliver matud pa sa minaletang mga kwarta gikan kang Kanhe Ako Bicol Party-list Rep. Zaldy Co lakip na sa pipil aka mga opisyal sa gobyerno.
Bisan ang mga magbabalaod o representante sa kongreso kauban si former Marikina 2nd District Rep. Stella Quimbo.
Sumala nila Belnard Tube ug Benny Bulontate, apil sa mga kanhe sundalo, mibarug sila sa testimonyang naghatod og mga maleta nga puno sa kwarta sa panimalay sa gilambigit nga kanhe kongresista.
Suportado matud pa kini sa mga hulagway ug gipaneguro pang gipanag-iyahan niini ang balay.
Base sa ‘joint-affidavit’, gika-ingong unod sa usa ka dakong maleta nga gideliver ang kapin o kulang 50 ngadto sa 70-milyones pisos samtang ang gamay usab anaa sa 15-25-milyones pisos.
Si Quimbo nahimong miyembro sa nahitabong bicameral conference committee ug nagsilbing vice chairperson sa House Appropriations Committee sa nahitabong deliberasyon sa 2025 national budget.
